Shymkentte aýa raiynyń kúrt ysýyna bailanysty qala qyzmetteri kúsheitilgen rejimde jumys istep jatyr, dep habarlaidy ult.kz.
Qala ákimdiginiń málimetinshe, kún saiyn kóshelerge, jasyl aimaqtarǵa, balalar jáne sport alańdaryna, sondai-aq qoǵamdyq keńistikterge sý sebý jumystary júrgizilýde.
Arnaiy tehnikalar joldardaǵy shańdy azaityp, joǵary temperatýranyń keri áserin tómendetýge baǵyttalǵan jumystardy atqarýda.
Ákimdik turǵyndardy aptap ystyq kúnderi saqtyq sharalaryn saqtaýǵa, mamandardyń usynymdaryn oryndaýǵa shaqyrdy. Sondai-aq múmkindiginshe kúnniń eń ystyq ýaqytynda uzaq ýaqyt syrtta júrmeýge, jetkilikti mólsherde sý ishýge keńes berildi.
