Aqtóbede alaiaqtar bir áieldi eki ret aldap, aqshasyn iemdenýge áreket jasaǵan. Quqyq qorǵaý organdarynyń der kezinde aralasýynyń arqasynda internet-alaiaqtyqtyń joly kesildi, dep habarlaidy ult.kz.
Aqtóbe qalasynyń prokýratýrasy málimetinshe, shilde aiynyń basynda azamatsha J. Mamedovaǵa belgisiz adamdar qońyraý shalyp, túrli tásilmen onyń aqshasyn iemdenýge tyrysqan. Alaida prokýratýra qyzmetkerleri jaǵdaidy der kezinde anyqtap, alaiaqtardyń josparyn júzege asyrýyna jol bermegen.
Oqiǵa munymen aiaqtalmaǵan. 30 shildede áielmen qaita profilaktikalyq jumys júrgizý kezinde onyń alaiaqtardyń WhatsApp arqyly qaita bailanysqa shyǵýǵa tyrysqany anyqtaldy.
Bul joly kúdikti adamdar áieldiń senimine kirý úshin túrli syilyqtar usynatynyn aitqan. Prokýratýra qyzmetkerleri alaiaqtyq áreketti der kezinde anyqtap, qaskóiler paidalanǵan telefon nómirlerin buǵattaý boiynsha shara qabyldady.
Prokýratýra azamattardy beitanys adamdardyń syilyq, júlde nemese aqsha usynǵanyna birden senbeýge shaqyrdy.
Quqyq qorǵaý organy jeke derekterdi, bank kartasynyń rekvizitterin jáne SMS arqyly keletin kodtardy bógde adamdarǵa bermeý qajettigin eskertti.
