Foto: dimashnews.com
Qazaqstandyq ánshi Dimash Qudaibergen 26 shildede «Singer 2024» án baiqaýynyń aqtyq básekesi kezinde aitqan sózi qytailyq kórermender arasynda úlken daýǵa ulasty, dep habarlaidy "Ult aqparat" Kazinform aqparat agenttigine silteme jasap.
Finaldyq básekeniń ekinshi kezeńinde, Dimash kanadalyq tanymal ánshi Faýziiaǵa sybyrlap sóilegen sózi tikelei efirde kórermenderge estilip qalǵan.
Dimash Kanadalyq ánshige «Olardyń aitýynsha, Seniń aldyńda qytai ánshisi bolýy kerek (They said, It must be Chinese before you)» degen. Al Faýziia oǵan «jaqsy, másele joq» dep jaýap bergen.
Baiqaý qorytyndysy boiynsha, Faýziia jeńimpazdar qatarynan kórine almai, qytailyq ánshi Na In jeńimpaz atanyp, Tań Veivei jáne Sýn Nan úzdik úshtikten kórindi.
Osylaisha, qytailyq telekórermender jáne áleýmettik jeli paidalanýshylary «Singer» shoýynyń shynaiylyǵyna kúdiktenip, jobany uiymdastyrýshylarǵa narazylyq bildirdi.
Artynsha, Dimash Qudaibergen weibo paraqshasynda túsinikteme berip, Faýziia onymen birge óner kórsetýdi suraǵanyn, al uiymdastyrýshylar oǵan qytai ánshisi bolýy kerek (Must be a Chinese singer «for» you) dep aitqanyn jetkizdi.
Aita keteiik, Dimash araǵa 7 jyl salyp «Singer 2024» án baiqaýynyń sahnasyna oralyp, aqtyq básekeniń alǵashqy kezeńinde qurmetti qonaq retinde amerikalyq tanymal ánshi Shante Torrein Mýrmen birge óner kórsetip, Lose Control ánin shyrqady.
Sondai-aq, Shante Mýrdyń finaldyq básekeniń ekinshi kezeńine ótpei qalýy qytailyq áleýmettik jelide jankúierlerdiń narazylyǵyna ushyraǵan bolatyn.
