فوتو: dimashnews.com
قازاقستاندىق ەنشٸ ديماش قۇدايبەرگەن 26 شٸلدەدە «Singer 2024» ەن بايقاۋىنىڭ اقتىق بەسەكەسٸ كەزٸندە ايتقان سٶزٸ قىتايلىق كٶرەرمەندەر اراسىندا ٷلكەن داۋعا ۇلاستى, دەپ حابارلايدى "ۇلت اقپارات" Kazinform اقپارات اگەنتتٸگٸنە سٸلتەمە جاساپ.
فينالدىق بەسەكەنٸڭ ەكٸنشٸ كەزەڭٸندە, ديماش كانادالىق تانىمال ەنشٸ فاۋزيياعا سىبىرلاپ سٶيلەگەن سٶزٸ تٸكەلەي ەفيردە كٶرەرمەندەرگە ەستٸلٸپ قالعان.
ديماش كانادالىق ەنشٸگە «ولاردىڭ ايتۋىنشا, سەنٸڭ الدىڭدا قىتاي ەنشٸسٸ بولۋى كەرەك (They said, It must be Chinese before you)» دەگەن. ال فاۋزييا وعان «جاقسى, مەسەلە جوق» دەپ جاۋاپ بەرگەن.
بايقاۋ قورىتىندىسى بويىنشا, فاۋزييا جەڭٸمپازدار قاتارىنان كٶرٸنە الماي, قىتايلىق ەنشٸ نا ين جەڭٸمپاز اتانىپ, تاڭ ۆەيۆەي جەنە سۋن نان ٷزدٸك ٷشتٸكتەن كٶرٸندٸ.
وسىلايشا, قىتايلىق تەلەكٶرەرمەندەر جەنە ەلەۋمەتتٸك جەلٸ پايدالانۋشىلارى «Singer» شوۋىنىڭ شىنايىلىعىنا كٷدٸكتەنٸپ, جوبانى ۇيىمداستىرۋشىلارعا نارازىلىق بٸلدٸردٸ.
ارتىنشا, ديماش قۇدايبەرگەن weibo پاراقشاسىندا تٷسٸنٸكتەمە بەرٸپ, فاۋزييا ونىمەن بٸرگە ٶنەر كٶرسەتۋدٸ سۇراعانىن, ال ۇيىمداستىرۋشىلار وعان قىتاي ەنشٸسٸ بولۋى كەرەك (Must be a Chinese singer «for» you) دەپ ايتقانىن جەتكٸزدٸ.
ايتا كەتەيٸك, ديماش اراعا 7 جىل سالىپ «Singer 2024» ەن بايقاۋىنىڭ ساحناسىنا ورالىپ, اقتىق بەسەكەنٸڭ العاشقى كەزەڭٸندە قۇرمەتتٸ قوناق رەتٸندە امەريكالىق تانىمال ەنشٸ شانتە توررەين مۋرمەن بٸرگە ٶنەر كٶرسەتٸپ, Lose Control ەنٸن شىرقادى.
سونداي-اق, شانتە مۋردىڭ فينالدىق بەسەكەنٸڭ ەكٸنشٸ كەزەڭٸنە ٶتپەي قالۋى قىتايلىق ەلەۋمەتتٸك جەلٸدە جانكٷيەرلەردٸڭ نارازىلىعىنا ۇشىراعان بولاتىن.
