Prezidenttiń Kómekshisi – QR Qaýipsizdik keńesiniń hatshysy Áset Isekeshev Sybailas jemqorlyqqa qarsy is-qimyl agenttigine Qarjylyq monitoring agenttigimen birlesip jumys isteýdi usyndy, dep habarlaidy QazAqparat.
«Izdestirý jáne múlikti tárkileý jumystarynyń jetistiginde tárkileý qaǵidattary men aqshany qadaǵalaý mańyzdy qural bolyp sanalady. Bul turǵydan naqty tapsyrma bar. Sondyqtan ony sapaly oryndaý úshin basqa memlekettik organdardyń, aqparattyq júielerimen, ásirese Qarjylyq monitoring agenttigimen birge belsendi jumys isteý kerek», - dedi Qaýipsizdik keeńesiniń hatshysy.
Onyń aitýynsha, sheneýnikterdiń qysymyna tap bolǵan kásipkerlerden túsetin shaǵym azaimai otyr.
«Biznesti bárinen buryn adal emes sheneýnikterden zańsyz kiligýinen arashalaý máselesi ózektiligin joiǵan joq. Kásipkerlerden pármendi ákimshilik qysymnan zardap shekkeni týraly shaǵymdar kóp túsýde. Árine, bul jerde de adal kásipkerler men zańbuzýshylar arasynda teńgerim kerek. Sonyń ózinde Memleket basshylyǵy bizneske qoldaý kórsetýdi tapsyryp otyr. Ózderińiz bilesizder, jýyqta ǵana Prezident reiderlik úshin jaýapkershilikti kúsheitetin zańǵa qol qoidy. Mundai reiderlikter kóbinese laýazymdyq ókiletin paidalaný arqyly jasalady. Osyǵan nazar aýdarýlaryńyzdy suraimyn», - dedi Prezidenttiń kómekshisi.
