Sybailas jemqorlyqqa qarsy qyzmet qyzmetkeriniń atyn jamylǵan alaiaq ustaldy, dep habarlaidy "Ult aqparat".
«QR Sybailas jemqorlyqqa qarsy is-qimyl agenttiginiń Ózindik qaýipsizdik departamenti Qyzylorda jáne Túrkistan oblystyq departamenttermen birlesip, alaiaqtyq áreket jasaý kúdigine ilingen azamat M.Tashovtyń zańsyz áreketine tosqaýyl qoidy. Ol ózin Sybailas jemqorlyqqa qarsy qyzmettiń qyzmetkeri retinde tanystyryp, eski úlgidegi jasandy qyzmettik kýálikti qoldanǵan», - delingen agenttiktiń Telegram paraqshasynda jariialanǵan aqparatta.
Vedomstvo málimetinshe, 14 mamyrda Tashov ózin Arman Imanbaev degen oidan shyǵarylǵan esimmen Sybailas jemqorlyqqa qarsy qyzmettiń qyzmetkeri retinde tanystyryp, azamat M-niń telefonyn alaiaqtyq jolmen iemdengen. Keiin kúdikti boi tasalaǵan. Osydan keiin zardap shegýshi Sybailas jemqorlyqqa qarsy qyzmettiń Qyzylorda oblystyq departamentine habarlasqan.
«Onyń ótinishi QR Qylmystyq kodekstiń 190-babynyń 1-bóligi boiynsha Sotqa deiingi tergep-tekserýdiń biryńǵai tizilimine (SDTBT) tirkeldi. Sol kúni saǵat 22:00-de jedel-izdestirý sharalarynyń barysynda Túrkistan qalasyna kire beriste Túrkistan oblysy Jetisai aýdanynyń týmasy, jumyssyz Meiirhan Temirtaiuly Tashov ustaldy. Odan Tashovtyń fotosy japsyrylǵan, ofitserdiń oidan shyǵarylǵan esimimen jalǵan qyzmettik kýálik tárkilendi. Osy adamnyń zańsyz áreketterinen zardap shekken azamattardy Sybailas jemqorlyqqa qarsy qyzmettiń 1424 Call-ortalyǵyna habarlasýdy suraimyz»,- dedi agenttikten.
