Prezident Qasym-Jomart Toqaevtyń Jarlyǵymen sybailas jemqorlyqqa qarsy agenttiktiń jańa basshysy taǵaiyndaldy, dep habarlaidy Aqorda.
"Marat Muratuly Ahmetjanov Qazaqstan Respýblikasynyń Sybailas jemqorlyqqa qarsy is-qimyl agenttiginiń (Sybailas jemqorlyqqa qarsy qyzmettiń) tóraǵasy laýazymyna taǵaiyndalsyn", - delingen Jarlyq mátininde.
Prezident agenttiktiń burynǵy basshysy Alik Shpekbaevty qyzmetinen bosatty.
Buǵan deiin Marat Ahmetjanov Qazaqstan bas prokýrorynyń orynbasary boldy. Toqaevtyń Ókimimen ol bul laýazymnan bosatyldy.
Marat Ahmetjanov týraly ne bilemiz?
Marat Muratuly Ahmetjanov 1964 jyly 22 jeltoqsanda Pavlodar oblysynda Baianaýyl aýdanyna qarasty Teńdik aýylynda dúniege kelgen. Evnei Bóketov atyndaǵy Qaraǵandy memlekettik ýniversitetinde zańger mamandyǵy boiynsha bilim alǵan.
Eńbek jolyn 1991 jyly Temirtaý qalasynyń prokýratýrasynda bastady Al úsh jyldan keiin bas prokýratýraǵa aýysty.
1997-1998 jyldary - Qazaqstan memlekettik tergeý komiteti, keiin ishki ister ministriniń áskeri-tergeý departamentinde tergeý basqarmasynyń bastyǵy;
1998-2001 jyldary - tergeý departamenti direktorynyń orynbasary, Qazaqstan sot qaýlylaryn oryndaý jónindegi komiteti tóraǵasynyń orynbasary;
2001-2003 jyldary bas prokýratýranyń aldyn ala tergeý men zertteýdiń zańdylyǵyn qadaǵalaý jónindegi departamentiniń bastyǵy;
2003-2006 jyldary – Pavlodar oblysynyń prokýrory;
2006 – 2019 jyldary – sol kezdegi Ońtústik Qazaqstan oblysynyń prokýrory;
2009-2021 jyldary – bas prokýratýranyń quqyqtyq statistika jáne arnaiy esepke alý komitetiniń tóraǵasy;
2012-2014 jyldary – qarjy politsiiasy tóraǵasynyń orynbasary;
2016 jyldan beri bas prokýrordyń orynbasary qyzmetin atqardy.
Marat Muratuly "Qurmet" ordenimen, "Minsiz qyzmeti úshin" jáne taǵy basqa medaldarmen marapattalǵan.
Budan bólek, Reseidiń memlekettik "I Petr" jáne "Admiral Kýznetsov" atyndaǵy medalin aldy. Belarýstiń marapatyna da ie boldy. Sheni - general-maior, 3-synypty ádilet keńesshisi.
