پرەزيدەنت قاسىم-جومارت توقاەۆتىڭ جارلىعىمەن سىبايلاس جەمقورلىققا قارسى اگەنتتٸكتٸڭ جاڭا باسشىسى تاعايىندالدى, دەپ حابارلايدى اقوردا.
"مارات مۇراتۇلى احمەتجانوۆ قازاقستان رەسپۋبليكاسىنىڭ سىبايلاس جەمقورلىققا قارسى ٸس-قيمىل اگەنتتٸگٸنٸڭ (سىبايلاس جەمقورلىققا قارسى قىزمەتتٸڭ) تٶراعاسى لاۋازىمىنا تاعايىندالسىن", - دەلٸنگەن جارلىق مەتٸنٸندە.
پرەزيدەنت اگەنتتٸكتٸڭ بۇرىنعى باسشىسى اليك شپەكباەۆتى قىزمەتٸنەن بوساتتى.
بۇعان دەيٸن مارات احمەتجانوۆ قازاقستان باس پروكۋرورىنىڭ ورىنباسارى بولدى. توقاەۆتىڭ ٶكٸمٸمەن ول بۇل لاۋازىمنان بوساتىلدى.
مارات احمەتجانوۆ تۋرالى نە بٸلەمٸز?
مارات مۇراتۇلى احمەتجانوۆ 1964 جىلى 22 جەلتوقساندا پاۆلودار وبلىسىندا باياناۋىل اۋدانىنا قاراستى تەڭدٸك اۋىلىندا دٷنيەگە كەلگەن. ەۆنەي بٶكەتوۆ اتىنداعى قاراعاندى مەملەكەتتٸك ۋنيۆەرسيتەتٸندە زاڭگەر ماماندىعى بويىنشا بٸلٸم العان.
ەڭبەك جولىن 1991 جىلى تەمٸرتاۋ قالاسىنىڭ پروكۋراتۋراسىندا باستادى ال ٷش جىلدان كەيٸن باس پروكۋراتۋراعا اۋىستى.
1997-1998 جىلدارى - قازاقستان مەملەكەتتٸك تەرگەۋ كوميتەتٸ, كەيٸن ٸشكٸ ٸستەر مينيسترٸنٸڭ ەسكەري-تەرگەۋ دەپارتامەنتٸندە تەرگەۋ باسقارماسىنىڭ باستىعى;
1998-2001 جىلدارى - تەرگەۋ دەپارتامەنتٸ ديرەكتورىنىڭ ورىنباسارى, قازاقستان سوت قاۋلىلارىن ورىنداۋ جٶنٸندەگٸ كوميتەتٸ تٶراعاسىنىڭ ورىنباسارى;
2001-2003 جىلدارى باس پروكۋراتۋرانىڭ الدىن الا تەرگەۋ مەن زەرتتەۋدٸڭ زاڭدىلىعىن قاداعالاۋ جٶنٸندەگٸ دەپارتامەنتٸنٸڭ باستىعى;
2003-2006 جىلدارى – پاۆلودار وبلىسىنىڭ پروكۋرورى;
2006 – 2019 جىلدارى – سول كەزدەگٸ وڭتٷستٸك قازاقستان وبلىسىنىڭ پروكۋرورى;
2009-2021 جىلدارى – باس پروكۋراتۋرانىڭ قۇقىقتىق ستاتيستيكا جەنە ارنايى ەسەپكە الۋ كوميتەتٸنٸڭ تٶراعاسى;
2012-2014 جىلدارى – قارجى پوليتسيياسى تٶراعاسىنىڭ ورىنباسارى;
2016 جىلدان بەرٸ باس پروكۋروردىڭ ورىنباسارى قىزمەتٸن اتقاردى.
مارات مۇراتۇلى "قۇرمەت" وردەنٸمەن, "مٸنسٸز قىزمەتٸ ٷشٸن" جەنە تاعى باسقا مەدالدارمەن ماراپاتتالعان.
بۇدان بٶلەك, رەسەيدٸڭ مەملەكەتتٸك "ٸ پەتر" جەنە "ادميرال كۋزنەتسوۆ" اتىنداعى مەدالٸن الدى. بەلارۋستٸڭ ماراپاتىنا دا يە بولدى. شەنٸ - گەنەرال-مايور, 3-سىنىپتى ەدٸلەت كەڭەسشٸسٸ.
