Sybailas jemqorlyq faktileri týraly habarlaǵan azamattardy qorǵaý júiesi jetildiriledi. Bul týraly Májilistiń jalpy otyrysynda tiisti zań jobasyn birinshi oqylymda talqylaý kezinde QR Sybailas jemqorlyqqa qarsy is-qimyl agenttiginiń tóraǵasy Marat Ahmetjanov málim etti, dep habarlaidy QazAqparat tilshisi.
«Kelesi másele – korrýptsiia faktileri týraly habarlaǵan azamattardy qorǵaý júiesin jetildirý. Búgingi tańda memlekettik qorǵaý tetikteri tek qylmystyq protseske qatysatyn adamdarǵa ǵana kózdelgen. Al jemqorlyq týraly habarlaityn adamdar qylmystyq protsespen qamtylmaýy múmkin. Oǵan qosa, qorǵaý sharasy tek zorlyq-zombylyq nemese kúsh qoldaný qaýpi bolǵan kezde ǵana qoldanylady.
Mysaly, zańnamada mundai tulǵalardyń eńbek quqyqtaryn qorǵaý sharalary qaralmaǵan. Iaǵni, jumys barysynda qýdalaný táýekeli bar», - dedi Ahmetjanov.
Osyǵan bailanysty ol tiisti túzetýler eskerilgenin jetkizdi.
«Birinshiden, habarlaýshylardyń eńbek qatynastary salasyndaǵy quqyqtaryn qorǵaý. Olarǵa qatysty tártiptik shara qoldaný máselesin alqa otyrysymen qaraý múmkindigin belgileý. Bul rette, mundai sheshim ádil jáne ashyq bolý úshin mindetti túrde otyrysqa Agenttiktiń ókili shaqyrylady. Ekinshiden, korrýptsiia týraly habarlaǵan adam jónindegi málimetti qupiia retinde saqtaý, al ony jariia etkeni úshin qylmystyq jaýapkershilikti qarastyrý. Atalǵan sharalar áshkereleýshi adamnyń quqyqtaryn qorǵaýǵa kepildik beredi», - dedi agenttik basshysy.
