Sybailas jemqorlyqqa qarsy is-qimyl agenttikiginde basqarýshy komitet quryldy. Bul týraly Agenttiktiń baspasóz qyzmeti habarlady.
Komitetke Agenttiktiń barlyq jobalarynyń qyzmetin úilestirý men múddeli memlekettik organdarmen jáne jurtshylyqpen nátijeli ózara is-qimyldy nyǵaitý bekitilgen.
Mundai tájiribe buryn memlekettik organdarda qoldanylǵan joq. Bul tásil sybailas jemqorlyqqa qarsy is-qimyldyń túiindi kórsetkishteri men maqsattaryna qol jetkizýge jáne qoǵamda parasattylyq ideologiiasyn ilgeriletýge baǵyttalǵan jobalyq mindetter men is-sharalardy iske asyrýdy jańa sapaly deńgeige shyǵarýǵa múmkindik beredi.
Agenttiktiń sybailas jemqorlyqqa qarsy jobalarynyń qataryna «Adaldyq alańy», «Adal kómek», «Ashyq biýdjet», «Adal farm», «Sanaly urpaq», «Adal jol», «Sapaly jol», «Protecting Business and Investments» jáne «Tsifrlyq sybailas jemqorlyqqa qarsy qyzmet» siiaqty bastamalar kiredi.
Komitet basshysy bolyp 2017 jyldan bastap Prezident janyndaǵy Memlekettik basqarý akademiiasynyń jobalyq menedjmentti damytý ortalyǵyn basqaratyn Janar Taijanova taǵaiyndaldy.
Komitet janynda qoǵamnyń belsendi ókilderi men joǵary bilikti salalyq mamandar men sarapshylar qatarynan saraptamalyq keńes jumys isteitin bolady. Olardyń qatysýy birqatar baǵyttar men salalarda sybailas jemqorlyqpen bailanysty eleýli problemalarǵa jobalardyń naqty nazary aýdarylýynyń ózektiligin arttyrady.
