Túrkistan oblysy Arys qalasynda 2018 jyly 12 mlrd. 521 mln. teńgeniń aýyl sharýashylyǵy ónimderi óndirilip, naqty kólem indeksi 93,6 paiyzdy qurady, - dep habarlaidy "Ult aqparat" qala ákimdiginiń baspasóz qyzmetine silteme jasap.
Arys qalasynda aǵymdaǵy jyly egis egý jospary 22900 ga, al naqty egilgeni 27676 ga nemese 120,9 paiyzdy qurap otyr. Al, jylyjai sharýashylyqtaryn damytý, jylyjai salý jospary 6 ga, oryndalǵany 6,1 ga, nemese 101,6 paiyzdy qurap otyr.
Tamshylatyp sýǵarý ádisin endirý tapsyrma 900 ga, oryndalǵany 905 ga, nemese 100,5 paiyzǵa oryndaldy.
«Sybaǵa» baǵdarlamasy boiynsha iri qara mal alý tapsyrmasy – 600 bas, alynǵany – 693 bas nemese 115,5 paiyzdy qurady.
«Altyn asyq» baǵdarlamasy boiynsha qoi alý tapsyrmasy – 1002 bas, alynǵany – 1200 bas nemese 119 paiyzdy qurady.
«Qulan» baǵdarlamasy boiynsha jylqy alý tapsyrmasy – 167 bas, alynǵany – 175 bas nemese 104 paiyzdy qurady.
Mal bordaqylaý alańdaryn salý, januialyq sút jáne qus fermalaryn salý tapsyrmalary tolyǵymen oryndaldy.
Arys qalasyna qarasty Dermene aýyldyq okrýginde Sanaly bólimshesinde «Jelmaia» AShÓK-i túie sútin óndirýmen ainalysýda. Kúnine 500 litrden 1,5 tonnaǵa deiin shubat óndiriledi. Olar bótelkelerge quiylyp Astana, Almaty, Aqtóbe qalalaryna jiberilýde.
2019 jyly túie sútinen iogýrt ónimin óndirý jáne saýyndy túielerin 400 basqa deiin arttyrý josparlanýda.
Mal basy jáne mal ónimderi barlyq túrinen artqan.
«Ordabasy qus» jaýapkershiligi shekteýli seriktestigi Aqdala aýyldyq okrýginen quny 2,5 mlrd. teńgeni quraityn asyl tuqymdy úndik balapanyn shyǵaratyn qus fabrikasyn salýdy josparlaýda. Jobanyń qýattylyǵy 1817 myń dana jumyrtqa shyǵaryp, 70 adam jumyspen qamtylatyn bolady.
Qojatoǵai aýyldyq okrýgindegi úi irgelik jerlerdi aǵyn sýmen qamtamasyz etý úshin jobalyq-smetalyq qujattamasy ázirlenip, memlekettik saraptamada.
Aldaǵy jyldary sýarmaly jerlerdiń kólemin ulǵaitý maqsatynda aýyldyq okrýgter boiynsha qosymsha ulǵaiatyn sýarmaly jerdiń kólemderine taldaý jasalynyp, tómendegi jobalar anyqtaldy.
«Kóksarai» sý rettegishinen sý sorǵysh qondyrǵylary arqyly sýarmaly jerlerdiń kólemin 3700 gektarǵa ulǵaitý jobasynyń tehnika-ekonomikalyq negizdemesi 2 mlrd. 405 mln. teńgege daiyndaldy.
Sý nysandary túsetin qurylystyń astyndaǵy 30,3 gektar jer «Qazsýshar» respýblikalyq memlekettik kásipornynyń teńgerimine berildi.
Kóksarai sý rettegishine sý jetkizip berýshi kanaldyń aýmaǵynan 4000 gektar sýarmaly jer kólemin ulǵaitý múmkinshiligi bar, ol úshin, sý sorǵysh qondyrǵylary arqyly 2 qatarly qubyrlar arqyly egistik sýmen qamtamasyz etiletin bolady.
Dermene aýyldyq okrýgindegi «Sanaly» kanalyn kúrdeli jóndeýden ótkizý arqyly 550 gektar sýarmaly jerdi qaita ainalymǵa qosýǵa jáne siymdylyǵy 1 mln. tekshe metrlik toǵan salý arqyly sýarmaly jerdiń kólemin 1950 gektarǵa ulǵaitý múmkindigi bar.
3-K-3 kanalyn tarmaqtarymen qaita qalpyna keltirýdiń nátijesinde barlyǵy 1330 gektar, onyń ishinde: 600 gektar sýarmaly jer kólemi ulǵaiyp 730 gektar jer qaita ainalymǵa qosylatyn bolady.
Jideli aýyldyq okrýginde ornalasqan 3-K-3, 3-K-2 jáne 3-K-1 kanaldaryn kúrdeli jóndeý úshin, jergilikti biýdjetten qarjy bólinip, JSQ jasalǵan. Jobanyń smetalyq quny 1 mlrd. 469 mln. teńge, joba saraptamadan ótken. Jóndeý jumystary júrgizilgen jaǵdaida 1731 gektar jer qaita ainalymǵa qosylatyn bolady.
