Kámelet jasqa tolmaǵan qyzdardyń súiiskeni túsirilgen video áleýmettik jelilerde buǵattaldy. Bul týraly Qazaqstan Bilim jáne ǵylym ministrliginiń mamandary málimdedi, - dep habarlaidy Tengrinews.kz tilshisi.
"Balalardyń quqyǵyn qorǵaý komiteti videonyń budan ári taraýyna jol bermeý sharalaryn qolǵa alyp, videodaǵy balalardy izdep, psihologiialyq jáne anyqtaý jumystaryn júrgizý jóninde Ishki ister ministrligine, sonymen qatar Aqparat jáne kommýnikatsiialar ministrligine hat joldady", - dedi vedomstvonyń baspasóz qyzmetindegiler.
"Odan bólek, video YouTube, VKontakte, Facebook, Instagram siiaqty áleýmettik jelilerde buǵattaldy", - delingen habarlamada.
Eske sala keteiik, osyǵan deiin Astana IID ókilderiniń súiisken kishkentai qyzdardyń videosyn tekserip jatqany habarlanǵan bolatyn. "Kámeletke tolmaǵan eki qyz túsirilgen videonyń WhatsApp messendjerinde taraýyna qatysty Astana qalalyq IID-niń osy derek boiynsha tekseris bastaǵanyn habarlaimyz. Tekseris qorytyndysy qosymsha habarlanady", - dep jaýap bergen edi IIM Memlekettik til jáne aqparat departamentiniń direktory Almas Sádýbaev redaktsiia saýalhatyna.
