Súiiktisimen renjisip qalǵan elorda turǵyny politsiiaǵa habarlasyp, óz páterine jarylǵysh zat qoiylǵany týraly jalǵan aqparat bergen, dep habarlaidy "Ult aqparat".
Er adam sol kúni óz páterinde týǵan kúnin atap ótedi. Ishimdikke masaiǵan kezinde qurbysymen sózge kelip qalady.
«Ashýǵa berilip kóshege shyǵyp kettim de, politsiiaǵa qońyraý shaldym. Páterime bomba qoiǵanymdy, ony qazir jaratyndyǵymdy aittym. Istegen áreketime qatty ókinemin»,- dedi 35 jastaǵy elorda turǵyny.
Kúdiktiniń mekenjaiyn jedel anyqtap, páterine kirip kelgen politsiia qyzmetkerlerin kórgende elordalyq tańdanysyn jasyra almaǵan. QR Qylmystyq kodesiniń 273-babymen 3 jylǵa bas bostandyǵyn shekteýge sottaldy.
Nur-Sultan qalalyq Politsiia departamenti jaryǵysh zat qoiylǵany týraly qasaqana jalǵan habar berý faktilerine airyqsha nazar aýdarady. Osy jyldyń basynan beri elordada terrorizm aktisi týraly 5 jalǵan aqparat túsken.
«Qylmystyń bul túri aýyrlyǵy ortasha sanatqa jatady jáne qoǵamdyq úlken rezonans týdyrady. Memlekettik qurylymdardyń kóptegen kúshi men bólimsheleri jumyldyrylady. QR Qylmystyq kodeksiniń 273-babynda kózdelgen qylmysty jasaǵany úshin 5 jylǵa deiin bas bostandyǵynan aiyrý túrindegi jaza qarastyrylǵan», - dedi Nur-Sultan qalalyq PD Ekstremizmge qarsy is-qimyl basqarmasy bastyǵynyń orynbasary Daniiar Shymyrqulov.
