Oral qalasynda kollektordy qalpyna keltirý jumystary atqarylýda, dep habarlaidy "Ult aqparat".
29 mamyr kúni keshkisin Derkól aýylyndaǵy №19 káriz sorǵy stansasyndaǵy diametri 800 km káriz qubyry jarylyp, isten shyqqan edi.
Soǵan bailanysty qalanyń soltústik-shyǵys bóligi, iaǵni 120 myńǵa jýyq turǵyn sýsyz qaldy. Bul kúnniń ystyq ýaqytynda turǵyndarǵa ońai tigen joq. Olarǵa sý jetkizip berý jumystary atqarylýda.
Oblys ákimi Altai Kólginov Instagramdaǵy paraqshasynda málim etkendei, «Batys sý arnasy» JShS-nyń kúshimen túngi jumys nátijesinde atalǵan ýchaskeden 5500 tekshe metr sý soryldy.
«Búgin tańnan bastap qubyrdy demontajdaý jumystary júrgizilýde. Sodan keiin adaptory bar metall qubyry salynady. Qubyr aýystyrylyp, kómilgennen keiin sý qosylady. Sýdy búgin qosý úshin bar kúsh jumsalýda», dep habarlady Altai Kólginov.
Eske sala keteiik, budan buryn Oralda kollektor jarylyp, qalanyń bir bóligi sýsyz qalǵan bolatyn.
