Foto: Facebook/Daniiar Ashimbaev
Saiasattanýshy Daniiar Áshimbaev «ArselorMitall Temirtaýǵa» aitylǵan syn jóninde pikir bildirdi, dep habarlaidy Kazinform agenttigi.
Áshimbaev elde basqa da jaýapty vedomstvolar bar ekenin eske saldy.
«Árine, Mittal – nashar investor, biraq ádildik úshin elde TJM ónerkásiptik qaýipsizdik komiteti (qadaǵalaý qyzmeti) jáne Eńbek jáne halyqty áleýmettik qorǵaý ministrliginiń Eńbek jáne áleýmettik qorǵaý komiteti (eńbek qaýipsizdigi jáne eńbekti qorǵaý) bar ekenin eske salý qajet. Ákimdikterde ónerkásip jáne eńbek inspektsiiasy basqarmalary bar. Biraq ulttyq ónerkásiptik qaýipsizdigi ǵylymi-tehnikalyq ortalyǵy (Taý-ken ónerkásibi qaýipsizdigi jónindegi Shyǵys ǴZI burynǵy Qaraǵandy bólimshesi) Úkimet tarapynan 2017 jyly taratyldy. Sondyqtan suraqtar tek Mittalǵa ǵana qoiylmaýy kerek», - deidi saiasattanýshy.
Áshimbaev atap ótkendei, Qarmet shahtalarymen birge memleket menshigine ótse de, erteli-kesh Úkimet ony basqa menshik iesine beredi jáne memlekettiń ónerkásiptik jáne eńbek qaýipsizdigi máselelerin baqylaitynyna kepildik joq.
Sońǵy derekke sai, Kostenko shahtasynda 33 adam qaza bolǵany anyqtaldy.
