QR Úkimetinde Sý keńesiniń alǵashqy otyrysy ótti, dep habarlaidy "Ult aqparat" Úkimettiń baspasóz qyzmetine silteme jasap.
QR Premer-Ministri Álihan Smaiylov Sý keńesiniń alǵashqy otyrysyn ótkizdi, otyrysta Qyrǵyz Respýblikasymen elektr energiiasymen taýar almasý jáne Qazaqstannyń ońtústik óńirlerin sýmen qamtamasyz etý máseleleri qaraldy.
Qazaqstanda sý resýrstaryn basqarý júiesin jetildirý maqsatynda QR Premer-Ministriniń tóraǵalyǵymen Sý keńesi quryldy. Keńes sý sharýashylyǵy salasyndaǵy saiasattyń ulttyq basymdyqtary máseleleri boiynsha usynystar men usynymdar ázirleýge baǵyttalǵan.
Qazaqstan men Qyrǵyzstan taraptary elektr energiiasy jáne sýmen qamtamasyz boiynsha taýar almasý týraly ózara tiimdi sharttarda ýaǵdalastyq jasasty.
«Qazaqstannyń ońtústik óńirlerin sýmen qamtamasyz etýge basymdyq beriledi. Áleýmettik tynyshtyq pen azamattardyń ál-aýqaty – Úkimettiń negizgi mindeti. Bul másele erekshe baqylaýda», – dedi Smaiylov.
QR Energetika ministrligine Qazaqstanda elektr energiiasynyń tapshylyǵyna jol bermeý jáne sur mainingke qatysty qatań sharalar qoldaný tapsyryldy.
«Sur» mainerlerdi májbúrli túrde óshirý kerek», – dedi Premer-Ministr.
