Jarys "Almaty ARENA" muz saraiynyń aýmaǵynda ótedi jáne qatysýshylardy kúnniń batýynyń ádemi kórinisimen qýantady. Tirkelý almaty-marathon.kz saitynda qoljetimdi.
"Summer Run" – bizdiń dástúrli jazǵy keshki jarysymyz, onda biz qatysýshylardyń arasynda balalarymen birge júgiretin áýesqoi sportshylardy kórýge qýanyshty bolamyz", – deidi "Birinshi bolý – batyldyq" korporativtik qorynyń direktory Saltanat Qazybaeva.
12 shaqyrym, 3 shaqyrym, 1 shaqyrym, 500 metr qashyqtyqtarda jas sanattaryndaǵy jeńimpazdar medalmen, gramotamen, aqshalai jáne baǵaly júldelermen marapattalady. Jarystyń márege jetken barlyq qatysýshylary estelik medalin alady.
"Qazaqstanda 2022 jyl "Balalar jyly" bolyp jariialandy, osyǵan bailanysty biz qala turǵyndarynyń nazaryn balalar sportyn damytýǵa aýdarǵymyz keledi. Bizdiń is-sharalarymyzda ótken Tau Jarys oily-qyrly jerlermen júgirý jarysyna, sondai-aq aldaǵy Turkistan Marathon jáne taiaý ýaqytta ótetin Summer Run jarystaryna balalar qashyqtyqtaryn qostyq. Sonymen qatar, ústimizdegi jyldyń sáýir aiynyń basynda jastardy salaýatty ómir saltyna jáne sportqa kóbirek tartý maqsatynda joǵary synyp oqýshylary men stýdentter arasynda qysqa qashyqtyqtarǵa JANA TOLQYN jarysyn ótkizdik. Biz óskeleń urpaqtyń deni saý ári myqty bolyp ósetinine senemiz, - deidi Saltanat Qazybaeva.
Sonymen qatar, qazirgi ýaqytta 7 tamyzda ótetin Visa Tour of World Class Almaty velosiped jarysyna, 25 qyrkúiekte ótetin "Almaty marafonyna" jáne 30 qazanda ótetin Turkistan Marathon jarysyna tirkelýdiń ashyq ekenin esterińizge salamyz.
Jarysqa tirkelý almaty-marathon.kz saitynda júredi.
