Soltústik Qazaqstan oblysynyń ákimi Erik Sultanov jergilikti áleýmettik máselelerdi sheshý úshin Úkimetten 30 mln teńge suraǵan. Bul másele búgin Úkimet otyrysynda aityldy, dep habarlaidy "Ult aqparat" Baq.kz portalyna silteme jasap.
SQO ákiminiń bunysyn Úkimet basshysy synǵa aldy. Tipti, ortalyqtan osyndai qarjy surap, hat jazýdyń ózi uiat ekenin aitty.
«Sizder Úkimetke hat jazyp, qol qoiardyń aldynda sál oilanyńyzdar. Keibir hattaryńyzdy qaraýdyń ózi uiat. Máselen, Soltústik Qazaqstan oblysynyń ákimi jergilikti áleýmettik máselelerdi sheshý úshin ortalyqtan 30 mln teńge suraǵan. Bul endi kúlkili ǵoi. Jergilikti máseleni sheshýge 30 mln teńge tabýǵa bolady ǵoi. Sondyqtan hatty joldar aldynda durystap oilanyp, qarap alyńyzdar», - dedi Baqytjan Ábdiruly.
