QR qarjy ministri Baqyt Sultanov Astananyń Ishki memlekettik aýdit departamentiniń basshysynyń ustalýyna qatysty pikir bildirdi, - dep habarlaidy kaz.tengrinews.kz tilshisi.
"Qazirgi ýaqytta quqyq qorǵaý organdary jumys júrgizip jatyr. Tergeýge qatysty eshteńe aita almaimyn, biraq ministrliktiń jumysy jaily aitatyn bolsaq, bizdiń qyzmette sybailas jemqorlyqqa qarsy jumystar basymyraq. Amal ne, jemqorlyq áli de joiylar emes", - dedi Baqyt Sultanov esep berý barysynda.
Sondai-aq, ol departamentte qyzmettik tekseristerdiń júrgiziletinin aitty.
"Qyzmettik tekserister júrgiziledi, bizdiń basqa óńirlik bólimshelerimizde osyndai jaǵdailar qaitalanbas úshin ketken qatelikterdi izdeimiz. Qajetti qyzmettik tergeý júrgiziledi, osy departamenttiń nemen ainalysyp kelgeni saraptalady", - dedi ministr.
Eske sala keteiik, 24 maýsymda Astananyń Ishki memlekettik aýdit departamentiniń basshysy Meldebekov ustalǵan bolatyn. Kúdikti júieli túrde para alyp turý úshin memlekettik aýditorlar - D.E. Apeisova men Sh.A.Shamildan turatyn qylmystyq top qurǵan. Tintý jumystary barysynda Meldebekov turatyn úidegi qyzmettik kabinetten 54 million teńge men 120 myń dollar tárkilengen bolatyn.
