قر قارجى مينيسترٸ باقىت سۇلتانوۆ استانانىڭ ٸشكٸ مەملەكەتتٸك اۋديت دەپارتامەنتٸنٸڭ باسشىسىنىڭ ۇستالۋىنا قاتىستى پٸكٸر بٸلدٸردٸ, - دەپ حابارلايدى kaz.tengrinews.kz تٸلشٸسٸ.
"قازٸرگٸ ۋاقىتتا قۇقىق قورعاۋ ورگاندارى جۇمىس جٷرگٸزٸپ جاتىر. تەرگەۋگە قاتىستى ەشتەڭە ايتا المايمىن, بٸراق مينيسترلٸكتٸڭ جۇمىسى جايلى ايتاتىن بولساق, بٸزدٸڭ قىزمەتتە سىبايلاس جەمقورلىققا قارسى جۇمىستار باسىمىراق. امال نە, جەمقورلىق ەلٸ دە جويىلار ەمەس", - دەدٸ باقىت سۇلتانوۆ ەسەپ بەرۋ بارىسىندا.
سونداي-اق, ول دەپارتامەنتتە قىزمەتتٸك تەكسەرٸستەردٸڭ جٷرگٸزٸلەتٸنٸن ايتتى.
"قىزمەتتٸك تەكسەرٸستەر جٷرگٸزٸلەدٸ, بٸزدٸڭ باسقا ٶڭٸرلٸك بٶلٸمشەلەرٸمٸزدە وسىنداي جاعدايلار قايتالانباس ٷشٸن كەتكەن قاتەلٸكتەردٸ ٸزدەيمٸز. قاجەتتٸ قىزمەتتٸك تەرگەۋ جٷرگٸزٸلەدٸ, وسى دەپارتامەنتتٸڭ نەمەن اينالىسىپ كەلگەنٸ ساراپتالادى", - دەدٸ مينيستر.
ەسكە سالا كەتەيٸك, 24 ماۋسىمدا استانانىڭ ٸشكٸ مەملەكەتتٸك اۋديت دەپارتامەنتٸنٸڭ باسشىسى مەلدەبەكوۆ ۇستالعان بولاتىن. كٷدٸكتٸ جٷيەلٸ تٷردە پارا الىپ تۇرۋ ٷشٸن مەملەكەتتٸك اۋديتورلار - د.ە. اپەيسوۆا مەن ش.ا.شاميلدان تۇراتىن قىلمىستىق توپ قۇرعان. تٸنتۋ جۇمىستارى بارىسىندا مەلدەبەكوۆ تۇراتىن ٷيدەگٸ قىزمەتتٸك كابينەتتەن 54 ميلليون تەڭگە مەن 120 مىڭ دوللار تەركٸلەنگەن بولاتىن.
