Qazaqstan musylmandary dini basqarmasynyń tóraǵasy – Bas múfti Naýryzbai qajy Taǵanuly orazaǵa qatysty qalyptasqan uǵymdardy ataýǵa qatysty aityp berdi, dep habarlaidy "Ult aqparat" El.kz aqparat agenttigine silteme jasap.
Oraza aldynda dini basqarma dini túsinikterdi ataýǵa qatysty máselege núkte qoidy.
Ata-babalardan bizge jetken salt-dástúrlerimiz bar, Qudaiǵa shúkir. Dinimiz Islammen sabaqtasyp ketken. Jaqynda ǵana «Babalar izimen: Qazaq dalasyndaǵy musylmandyq mektep» kitaby jaryq kórdi. Iaǵni, bizge Islam qashan keldi, ony babalarymyz qalai ustady, qandai baǵytta júrdi – osynyń barlyǵy sol jerde kórsetilgen. Osy kitaptar elimizge keńinen tarap jatyr. Dástúrdiń qundylyǵy aiasynda orazaǵa qatysty dúnielerdi aittyq. Mysaly orazaǵa qatysty syrttan kelgen sózder bar. Mysaly sáresin biz sáresi dep keldik, keibir jastarymyz ony «sýhýr» dep ketti. Sáresi dep aitaiyq. Túsinikti til, – deidi Bas múfti ulttyq arnaǵa bergen suhbatynda.
Al iftardy aýyzashar dep aitýǵa shaqyrdy.
Ony da bireýler iftar dep aityp ketti. Keibir sózderdi aǵylshyn tilinde aityp jatady. Kórshiles orys tilinde aitylatyn sózder bar. Biraq biz ózimizdiń ulttyq qundylyqtarymyzdy dáripteiik degen maqsatta osy úndeýlerdi aittyq, – deidi Naýryzbai qajy Taǵanuly.
Bas múfti qoǵamda kúndelikti áńgime barysynda shet tilderin qosyp sóileý ádetke ainalǵanyn da atap ótti. Máselen, jastar aǵa, inim, baýyrym demei, «brat», «bratjan» dep sóileitinin eske saldy.
Biz orazaǵa qatysty dúnielerdi aittyq. Buryndary maǵan bir kisiniń «Abaidan artyq Allany tanyǵan qazaq bar ma? Abaidyń ózi Alla dep jazdy ǵoi» degeni bar. Qazaqstan musylmandary dini basqarmasy buǵan deiingi pátýalarynda aitqan: iaǵni Allah emes, Alla dep aitaiyq dedik. Qazaqqa sińimdi, jaqyn sóz ǵoi. Alla Taǵala dep aitamyz. Osyny da úndeýge qosyp kettik. Osyndai sózderdi halqymyzǵa nasihat retinde aittyq, – deidi Bas múfti.
