Ashyq sý aidyndarynda shomylyp júrgen adamnyń koronavirýs juqtyrýy qanshalyqty múmkin? Sanitarlyq-epidemiologiialyq baqylaý komitetiniń tóraǵasy Aijan Esmaǵambetovaǵa ortalyq kommýnikatsiialar qyzmetinde osyndai saýal qoiyldy, dep habarlaidy QazAqparat.
«Búgingi tańda koronavirýstyń sý qabyldaý joldary arqyly juǵatyny anyqtalmaǵan. Iaǵni, koronavirýs sý arqyly berilmeidi. Biraq sonymen birge, sizderdiń nazarlaryńyzdy dál sol sý qoimalarynda, eger ara qashyq saqtalmasa, jappai adamdar kóp jinalatyn jerlerde koronavirýsty juqtyrý qaýpi bar ekenine aýdarǵym keledi. Óitkeni koronavirýs aýa arqyly taralady. Naýqas adam usaq aýa tamshylaryn shyǵarady. Bólshekterdiń mólsherine bailanysty aýa kópirshigi uzaq ýaqyt aýada qalyqtap júrýi múmkin. Bul bir sharshy metr aýmaqqa tym kóp adam jinalǵan jaǵdaida juqtyrý faktory», - dedi Aijan Esmaǵambetova.
Buǵan deiin Sanitarlyq-epidemiologiialyq baqylaý komitetiniń tóraǵasy PTR kimderge tegin ekenin aitqan bolatyn.
«Bas memlekettik sanitarlyq dárigerdiń qaýlysymen PTR testileý tegin ótkiziletin adamdardyń 12 sanaty bekitilgen. Bul klinikalyq belgisi bar, naýqaspen bailanysta bolǵan, júkti adamdar. Basqa tulǵalarǵa tegin PTR test qarastyrylmaǵan. Vaktsinatsiia tegin, PTR test memleket biýdjetinen qarjylandyrylmasa da, qazaqstandyqtardyń vaktsinatsiia men PTR testiń bireýin tańdaýǵa quqyǵy bar», - dedi komitet basshysy.
