Foto: gov.kz
Shomylý maýsymy qyzyp turǵan kezde qaýip-qaterdiń de qatar júretini belgili. "Ot pen sý - tilsiz jaý" degen bar, mamandar sýǵa túskende abai bolýdy eskertedi.
TJM málimeti boiynsha shomylý maýsymy bastalǵannan beri 102 adam sýǵa batyp ketti, onyń ishinde 35 bala bar. Al ótken 2023 jyldyń osy kezeńinde 125 adam sýǵa batyp ketken eken, onyń 34-i bala kórinedi.
"Ol jerde sýdyń aǵysy qatty..."
Kúni keshe Túrkistan oblysynda 16 jastaǵy qyz aǵyn sýdyń janynda selfi jasaimyn dep turyp, aiaǵy taiyp, sýǵa qulap ketken. Tótenshe jaǵdailar departamenti qyzdyń denesin 2 kúnnen beri izdestirip jatqanyn habarlaǵan. QR TJM Azamattyq qorǵanys jáne áskeri bólimder komiteti tóraǵasynyń orynbasary Aqylbek Ahmetjanovtyń aitýynsha jasóspirim qyzdy izdestirýge Tótenshe jaǵdailar qyzmetinen eki top jumys istep jatyr, qajet bolǵan jaǵdaida taǵy da qutqarýshylar osy iske tartylady.
"Ol jerdiń aǵysy qatty bolǵannan keiin sýǵa batqan adam bir ornynda turmai, aǵyp ketýi múmkin. Sondyqtan bul jerde arnaiy tehnologiiamen izdestirilip jatyr. Súńgýirler qyz sýǵa batqan jerden bastap, ary qaratai jyljyp, izdesmtirý jumystaryn júrgize bastaidy. Onyń ústine sý astyn kórý múmkinshiligi joq. Sondyqtan bizdiń súńgýirler múldem eshteńe kórinbeitin jaǵdaida jumys isteýge májbúr", - dedi Aqylbek Ahmetjanov Ortalyq Kommiýnikatsiialar qyzmetinde ótken baspasóz máslihatynda.
Mamannyń sózinshe ádette úlken sý aidyndaryna qaraǵanda kishigirim ózender men kólderge adamdardyń batyp ketý jaǵdaiy kóp tirkeledi.
"Sýǵa batyp qaitys bolǵandardyń 85 paiyzy ruqsat etilmegen jerde shomylǵan"
Sýǵa batqan eresekterdiń kóbi óz kúshin durys baǵalamaǵandyqtan jáne ishimdik iship alyp sýǵa shomylǵannan eken. Sondai-aq, sýǵa batyp ketý qateri úlkenderdiń qaraýynsyz qalǵan balalarda jii bolady eken.
Derekter boiynsha biylǵy jyldyń basynan bastap patrýldeý kezinde 250 adam sýdan qutqarylypty, olardyń ishinde 63-i bala bolǵan.
Búgingi tańda elimizde 85 myńnan astam ózen men 48 myń kól bar, olarda ákimderdiń sheshimderimen 708 ruqsat etilgen jáne 5 myńǵa jýyq shomylýǵa tyiym salynǵan oryndar bekitilgen. Barlyq tyiym salynǵan ýchaskeler eskertý belgilerimen jabdyqtalǵan, mundai jerlerde shomylǵan adam 7 AEK aiyppul kóleminde ákimshilik jaýapkershilikke tartylady.
"Sýǵa batyp qaitys bolǵandardyń 85 paiyzy ruqsat etilmegen, qaýipsizdik qamtamasyz etilmegen sý kózderinde oryn alyp otyr. Osyǵan bailanysty, TJM ruqsat etilgen jáne qaýipsiz oryndarda demalý qajet ekenin taǵy da eske salady! Qaýipsiz oryndar týraly málimetter BAQ jáne memorgandardyń saittarynda ornalastyrylǵan. Sondai-aq 2GIS platformasyn paidalana alasyz", - deidi Aqylbek Ahmetjanov.
Ókinishke qarai sońǵy 10 jylda eki myńnan astam adamnyń ómiri sýdan qiylyp otyr. Olardyń 701 – i bala eken.
"Dei turǵanmen, árbir qurǵaq statistikanyń artynda adam ómiri men jaqyndarynyń qaiǵysy turǵanyn umytpaýymyz kerek", - dep otyr maman.
TJM azamattardy sý aidyndaryndaǵy qaýipsizdik erejelerin saqtaýǵa shaqyrady!
Balalardy sýdyń janynda qaraýsyz qaldyrmańyz jáne olardyń ózdiginen shomylýyna jol bermeńiz;
Tyiym salý belgileri ornatylǵan jáne mas kúiinde beitanys jáne jabdyqtalmaǵan jerlerde shomylýǵa nemese sýǵa túsýge bolmaidy;
Júzý shekaralaryn belgileitin qaltqylardyń artynda júzbeńiz;
Qaiyqtardyń janynda júzbeńiz!
Osy qarapaiym erejelerdi ustaný Sizdiń jáne jaqyndaryńyzdyń ómiri men densaýlyǵyn saqtaidy.
