Mysyrdyń Ismailiia qalasynyń ekonomikalyq ister boiynsha soty alty kún boiy Sýets kanalyn buǵattaǵan Ever Given konteiner tasymaldaýshy kemeciniń iesi 900 million dollar ótemaqy tóleýi tiis, dep habarlaidy Shorouk gazeti.
Ótemaqy somasyna Ever Given-di qairańnan shyǵarý boiynsha ákimshilik shyǵyndary, kemeniń jóndeý jumystaryna, buǵattaý saldarynan kanalǵa jumsalǵan qarajat kirip otyr.
Óz talabynda Sýets kanalynyń ákimshiligi arnaiy sottyń sheshimi boiynsha kemeni tárkileýge ruqsat etetin teńiz saýdasy týraly tiisti mysyrlyq zańǵa súienip otyr.
23 naýryz kúni 400 metrlik Ever Given konteiner tasymaldaýshy QHR-dan Rotterdamǵa jol tartqan bette 151-shi shaqyrymda qaiyrlap qalǵan. Saldarynan kanaldy alty kún buǵattap, ondaǵy qozǵalysty toqtatýǵa týra keldi. 29 naýryzda birneshe áreketten keiin keme qairańnan shyǵaryldy, operatsiiaǵa 15 býksir qatysty, navigatsiia qaita jandandy. Oqiǵa saldarynan óz kezegin kútip qalǵan 422 kemeniń sońǵylary kanaldan 3 sáýir kúni ótti.
«Sot sheshimine sáikes keme tárkilenip, sottyń baqylaýynda bolady, operator kompaniia Sýets kanalynyń ákimshiligine 900 million dollar ótemaqy tólemeiinshe, ony paidalana almaidy <...>», - dep habarlaidy basylym.
