مىسىردىڭ يسمايلييا قالاسىنىڭ ەكونوميكالىق ٸستەر بويىنشا سوتى التى كٷن بويى سۋەتس كانالىن بۇعاتتاعان Ever Given كونتەينەر تاسىمالداۋشى كەمەcٸنٸڭ يەسٸ 900 ميلليون دوللار ٶتەماقى تٶلەۋٸ تيٸس, دەپ حابارلايدى Shorouk گازەتٸ.
ٶتەماقى سوماسىنا Ever Given-دٸ قايراڭنان شىعارۋ بويىنشا ەكٸمشٸلٸك شىعىندارى, كەمەنٸڭ جٶندەۋ جۇمىستارىنا, بۇعاتتاۋ سالدارىنان كانالعا جۇمسالعان قاراجات كٸرٸپ وتىر.
ٶز تالابىندا سۋەتس كانالىنىڭ ەكٸمشٸلٸگٸ ارنايى سوتتىڭ شەشٸمٸ بويىنشا كەمەنٸ تەركٸلەۋگە رۇقسات ەتەتٸن تەڭٸز ساۋداسى تۋرالى تيٸستٸ مىسىرلىق زاڭعا سٷيەنٸپ وتىر.
23 ناۋرىز كٷنٸ 400 مەترلٸك Ever Given كونتەينەر تاسىمالداۋشى قحر-دان روتتەردامعا جول تارتقان بەتتە 151-شٸ شاقىرىمدا قايىرلاپ قالعان. سالدارىنان كانالدى التى كٷن بۇعاتتاپ, ونداعى قوزعالىستى توقتاتۋعا تۋرا كەلدٸ. 29 ناۋرىزدا بٸرنەشە ەرەكەتتەن كەيٸن كەمە قايراڭنان شىعارىلدى, وپەراتسيياعا 15 بۋكسير قاتىستى, ناۆيگاتسييا قايتا جانداندى. وقيعا سالدارىنان ٶز كەزەگٸن كٷتٸپ قالعان 422 كەمەنٸڭ سوڭعىلارى كانالدان 3 سەۋٸر كٷنٸ ٶتتٸ.
«سوت شەشٸمٸنە سەيكەس كەمە تەركٸلەنٸپ, سوتتىڭ باقىلاۋىندا بولادى, وپەراتور كومپانييا سۋەتس كانالىنىڭ ەكٸمشٸلٸگٸنە 900 ميلليون دوللار ٶتەماقى تٶلەمەيٸنشە, ونى پايدالانا المايدى <...>», - دەپ حابارلايدى باسىلىم.
