"Óz kásibimdi bastaimyn" degen azamattar sýbsidiia nemese kepildikke, jeńil nesiege ótinimdi online rejimde bere alady, – dep habarlaidy Baq.kz.
Klientterge qosymsha qolaily jaǵdai jasaý úshin "online.damu.kz" portaly jumys istep tur. Bul týraly "Damý" qorynyń resmi ókili Farhat Sársekeev habarlady.
Turaqty institýtsionaldy damýdyń strategiialyq baǵdarlamasy aiasynda Qorda barlyq negizgi biznes-protsester avtomattandyryldy. Ótken jyly onlain qyzmetter kórsetý jáne ótinim qaraý ýaqytyn qysqartý, sonymen qatar klientterge qosymsha qoldaily jaǵdai jasaý úshin online.damu.kz. portaly ashyldy. Portalda kásipkerler óz jobasynyń memleketten kómek alý/sáikestik (sala/óńir) múmkindigin teksere alady, - dep aitty spiker.
Iaǵni, halyqtyń sýbsidiia nemese kepildikke, jeńil nesiege ótinimdi online rejimde berýge múmkindigi bar.
Aita keteiik, 2019 jyly Qor qoldaý bergen klientter 5 550 mlrd teńgeniń ónimin shyǵaryp, 450 mlrd teńgeden astam salyq túsirgen.
Byltyr otandyq kásipkerlerdi qoldaý maqsatynda 67,5 mlrd teńge tartyldy. Onyń ishinde Aziia damý bankinen 35,3 mlrd teńge bar. Áriptestik jónindegi 8 memorandým/kelisimge halyqaralyq yntymaqtastyq aiasynda qol qoiyldy, - dep málimdedi "Damý" basshysynyń oń qoly Farhat Sársekeev.
Onyń aitýynsha, memleketten qoldaý alǵan kásipkerler Qazaqstannyń áleýmettik-ekonomikalyq damýyna zor úles qosyp jatyr. Atap aitqanda, Qor qoldaǵan kásipkerler byltyr 5 471 mlrd teńgeniń ónimin shyǵarǵan, 443,2 mlrd teńge salyq túsirip, 8,7 myń jumys ornyn ashqan.
