Qazaqstanda qaýipsizdik maqsatynda jolaýshylar poiyzdarynyń baǵyttary ózgerdi, dep habarlaidy «QTJ» UK» AQ baspasóz qyzmetinen.
«30 naýryz kúni kóktemgi sý tasqyny saldarynan Pavlodar bólimshesindegi temirjoldyń Degeleń-Mai aralyǵyn sý shaiyp ketti. Osy sebepti, №31 «Almaty-1-Pavlodar», №376 «Astana-Leninogorsk», №67 «Zashita-Astana», №68 «Astana-Zashita» jolaýshylar poiyzdarynyń baǵyttary RF aýmaǵymen - «Resei temir joldary» AAQ-nyń Kýlýnda jáne Lokot stansalary arqyly júretin bolady. Osyǵan orai, jol júrý ýaqyty orta eseppen 16 saǵatqa uzarady», - delingen habarlamada.
Kóktemgi sý tasqyny saldaryn joiý boiynsha jedel shtab quryldy. Oqiǵa ornynda 63 arnaiy tehnika men 120-dan astam temirjolshy jumys jasaýda.
«Qazirgi tańda «QTJ» UK» AQ qalpyna keltirý jumystaryn júrgizýde. Sý shaiý saldaryn barynsha qysqa ýaqytta joiý úshin barlyq sharalar qolǵa alynatyn bolady», - dep atap ótti QTJ baspasóz qyzmetinen.
