قازاقستاندا قاۋٸپسٸزدٸك ماقساتىندا جولاۋشىلار پويىزدارىنىڭ باعىتتارى ٶزگەردٸ, دەپ حابارلايدى «قتج» ۇك» اق باسپاسٶز قىزمەتٸنەن.
«30 ناۋرىز كٷنٸ كٶكتەمگٸ سۋ تاسقىنى سالدارىنان پاۆلودار بٶلٸمشەسٸندەگٸ تەمٸرجولدىڭ دەگەلەڭ-ماي ارالىعىن سۋ شايىپ كەتتٸ. وسى سەبەپتٸ, №31 «الماتى-1-پاۆلودار», №376 «استانا-لەنينوگورسك», №67 «زاششيتا-استانا», №68 «استانا-زاششيتا» جولاۋشىلار پويىزدارىنىڭ باعىتتارى رف اۋماعىمەن - «رەسەي تەمٸر جولدارى» ااق-نىڭ كۋلۋندا جەنە لوكوت ستانسالارى ارقىلى جٷرەتٸن بولادى. وسىعان وراي, جول جٷرۋ ۋاقىتى ورتا ەسەپپەن 16 ساعاتقا ۇزارادى», - دەلٸنگەن حابارلامادا.
كٶكتەمگٸ سۋ تاسقىنى سالدارىن جويۋ بويىنشا جەدەل شتاب قۇرىلدى. وقيعا ورنىندا 63 ارنايى تەحنيكا مەن 120-دان استام تەمٸرجولشى جۇمىس جاساۋدا.
«قازٸرگٸ تاڭدا «قتج» ۇك» اق قالپىنا كەلتٸرۋ جۇمىستارىن جٷرگٸزۋدە. سۋ شايۋ سالدارىن بارىنشا قىسقا ۋاقىتتا جويۋ ٷشٸن بارلىق شارالار قولعا الىناتىن بولادى», - دەپ اتاپ ٶتتٸ قتج باسپاسٶز قىزمەتٸنەن.
