QR Premer-Ministri Álihan Smaiylov Úkimet otyrysynda sý tasqynymen kúres salasyndaǵy qordalanǵan problemalardy atady, dep habarlaidy QazAqparat.
«Qazir sý tasqynyna qarsy jumystar júrip jatyr, biraq muny moiyndaý qajet, uzaq ýaqyttan beri júieli sharalar qabyldanbai keldi.
Sonyń ishinde gidrotehnikalyq qurylystardy jóndeý máseleleri áli sheshimin tappai otyr. Qaraýsyz qalǵan bógetter men sý qoimalarynyń ielerin anyqtaý jumysy aiaqtalǵan joq», - degen Premer-Ministr jaýapty vedomstvolardyń aldynda atalǵan olqylyqtardy joiý boiynsha birneshe mindet turǵanyn atady.
Onyń birinshisi – Ekologiia, geologiia jáne tabiǵi resrýrstar ministrligi ákimdiktermen birlesip, gidrotehnikalyq qurylystarda shuǵyl jóndeý jumystaryn júrgizý boiynsha sharalar qabyldaýy kerek.
«Qaraýsyz qalǵan gidrotehnikalyq qurylystardy anyqtap, olardy kommýnaldyq menshikke berýdi aiaqtaý qajet.
Sonymen qatar sý qoimalarynyń qaýipsiz kólemin belgilep jáne olardy toltyrýdy turaqty baqylaýǵa alý kerek. Qajet bolsa aldyn ala qaýip bolmaityndai etip sýdy jiberip otyrý kerek. Qazgidromet memlekettik organdarǵa aýa-raiy boljamyn ýaqtyly berip turýy tiis», - dedi Álihan Smaiylov.
