Soltústik Qazaqstan oblysy, Qostanai jáne Ońtústik Qazaqstan oblystarynda sý tasqyny jaǵdaiyna bailanysty avtokólik qozǵalysyna shekteý engizildi, dep habarlaidy «Qazaqavtojol» RMK baspasóz qyzmeti.
23.04.2017 j. SQO-da qyzyl sýdyń kelýimen Mamliýt ainalma jolynan 20-shaǵynaýdan ainalma jolyna deiingi «Cheliabi-Novosibir» avtojolynyń 525-530 shaqyrymdarynda barlyq avtokólik túrlerine shekteý engizildi (528, 529 shaqyrymdardy sý basqan).
Qostanai oblysynda sý tasqynyna bailanysty (715+500 shaqyrymdardy sý basqan) Sarykól aýylynan SQO shekarasyna deiingi «Ekaterinbýrg-Almaty» avtojolynyń 686-729 shaqyrym jol bóliginde barlyq kólik túrlerine shekteý qoiyldy.
Dál osyndai sebeppen OQO «Samara-Shymkent» avtojolynyń 2217-2235 shaqyrymdarynda (2229 shaqyrymda kópir bar) barlyq avtokólik qozǵalysyna tyiym salyndy. Munda Arys ózeni arqyly ótetin kópirdiń tirekterin sý shaiǵan.
Atalǵan aýmaqty Temirlan aýyly arqyly ainalyp ótýge bolady.
Odan bólek, Qaraǵandy jáne Soltústik Qazaqstan oblystaryndaǵy respýblikalyq mańyzy bar joldardyń jekelegen bólikterin sý basqan jáne shaiylyp ketken.
Qaraǵandy oblysynda «Qaraǵandy-Aiagóz-Buǵaz» avtojolynyń 169 shaqyrymynda sý jaiylǵan (eni - 50 m., tereńdigi - 10 sm.) Avtokólik qozǵalysyna shekteý salynǵan joq.
SQO-da sý shaiǵan joldar:
1. «Jezqazǵan-Petropavl» 678 km (eni 150 m. bolatyn jol jaǵasynyń shaiylýy);
2. «Jezqazǵan-Petropavl» 681 km (eni 200 m. bolatyn jol jaǵasynyń shaiylýy);
3. «Jezqazǵan-Petropavl» 723 km (eni 20 m. jol jieginiń jáne diametri 1,5 m. bolatyn qubyrdyń shaiylýy);
4. «Ekaterinbýrg-Almaty» 766 km (eni 200 m. deiingi jol jieginiń shaiylýy);
5. «Ekaterinbýrg-Almaty» 797 km (Jem ózenindegi Baraq kópiriniń shaiylýy (kópir uzyndyǵy - 46 m), konýstyń jáne ótpeli plitanyń buzylýy);
6. «Ekaterinbýrg-Almaty» 835 km (Aqan -Búrlik kópiriniń shaiylýy (kópir uzyndyǵy- 70 m), konýstyń jáne ótpeli plitanyń buzylýy).
Shekteý joq.
«Qazaqavtojol» RMK oblystyq filialdarynyń qyzmetkerleri sý tasqynynan nuqsan kelgen jol bólikterine nyǵaitý jumystaryn júrgizip, eskertý belgilerin ornatýda. Táýlik boiy kezekshilik jalǵasýda.
