Foto: stan.kz
Sý basqan óńirlerde 138 myń 800 bas mal aman alyp shyǵaryldy. Bul týraly Aýyl sharýashylyǵy ministri Aidarbek Saparov aitty, dep habarlaidy «Ult aqparat» inbusiness.kz-ke silteme jasap.
Ministrdiń sózinshe, ár óńirde shtabtar jumys istep jatyr.
"Búgingi kúnde 138 myń 800 bas aman alyp shyǵaryldy. Bul – úlken jumys. Halyq, veterinar, TJM barlyǵy qosylyp, osy jumysty júrgizdik. Ólgen maldyń sany – 9761. Sonyń ishinde 98 paiyzǵa ýtilizatsiia jasaldy. Jalpy mal shyǵynyn óteý jaǵyn aitatyn bolsaq, algoritm bar. Qujattary barlarǵa biýdjetten tólenetin bolady, al qujattary joq, kezinde tirkeýde otyrmasa, demeýshiler kóteretin bolady. Búginde 4801 mal basynyń (shyǵyny) óteldi, 1 mlrd 198 mln teńge tólendi. Bul jumys jalǵasatyn bolady", – dedi vedomstvo basshysy Úkimet otyrysynan keiingi brifingte.
