Sý tasqynynan zardap shekken Qostanai oblysy Qaramyrza aýylynyń turǵyndaryna kórsetiletin kómektiń jalpy somasy 21 millionnan astam teńgeni quraidy, dep habarlaidy "Ult aqparat" Qarasý aýdany ákiminiń orynbasary Eldar Muhanovqa silteme jasap.
«Sý tasqynynan zardap shekken Qaramyrza aýyldyq okrýgi boiynsha memlekettik biýdjetten beriletin áleýmettik kómektiń jalpy kólemi 8 021 750 teńgeni quraidy»,- dep habarlady E.Muhanov.
Budan basqa, «Qazaqstannyń Qyzyl Jarty ai» qaiyrymdylyq qory men B.Ótemuratov atyndaǵy qor 181 adamǵa jalpy somasy 9 050 000 teńgege materialdyq kómek kórsetedi.
Sondai-aq, «Qarasý Astyq» JShS jalpy somasy 2,5 mln teńgege materialdyq kómek alady.
«Qostanai oblysy bilim jáne ǵylym uiymdary qyzmetkerleriniń jergilikti odaǵy» qoǵamdyq birlestiginiń áleýmettik jáne qaiyrymdylyq kómek qory» Qaramyrza aýylynyń jalpy bilim berý mektebiniń qyzmetkerlerine 1 440 000 teńge kóleminde materialdyq járdem berdi», - dep qosty aýdan ákiminiń orynbasary.
Aqshalai ótemaqynyń jalpy somasy 21 millionnan astam teńgeni qurady.
Eske sala ketsek, 12 sáýirde Túntigir ózeni tasyp, saldarynan Qaramyrza aýylynda 60 úidi cý basty.
