tasqyny kezinde 61 myń adamdy evakýatsiialaityn poiyz daiyndaldy. Bul týraly búgin Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy "Ult aqparat".
«61 myń adamdy evakýatsiialaýǵa 1 713 lokomotiv, 1 603 vagon daiyndaldy. Sondai-aq, arnaiy tehnikasy bar 84 qalpyna keltirý jáne órt sóndirý poiyzy daiyn. Qazirgi ýaqytta 2 975 tekshe metr kesek tas jáne 8 250 dana standartty emes temirbeton shpaldary daiyndalǵan. Tehnikanyń jáne materialdardyń daiyndyǵy – 100 paiyz», - dedi ministr.
Onyń aitýynsha, «2021-2023 jyldarǵa arnalǵan sý tasqyndarynyń aldyn alý jáne joiý boiynsha is-sharalar kesheni» jol kartasy aiasynda ministrlikte 1 is-shara qarastyrylǵan.
«Ol Qaraǵandy oblysynda Kókpekti-Qaraǵaily ýchaskesinde Qarasor kólin ainalyp ótetin temir jolyn salýǵa qatysty. Qazirgi tańda Ministrlik atalǵan jobany iske asyrý máselesin pysyqtap jatyr. Jalpy sý tasqyny kezeńine daiyndyq jumystary ministrliktiń arnaiy baqylaýynda tur», - dedi Beibit Atamqulov.
