Almaty oblysy Kegen aýdanynda burshaq aralas jańbyr jaýyp, saldarynan taýdan sý tasyp, joldardy shaiyp ketti. Almaty-Kegen tas joly sý astynda qaldy, dep habarlaidy "Ult aqparat" Stan.kz aqparat agenttigine silteme jasap.
Oblystyq tótenshe jaǵdai departamenti tústen keiin bastalǵan jańbyrdyń saǵat 17:00-de basylǵanyn málimdedi. Tasqyn sý Aqsai aýylyna jaqyn joldy basyp qalǵan.
Araǵa ýaqyt salyp "QazAvtoJol" respýblikalyq mańyzy bar joldyń da sý astynda qalǵany týraly málimet berdi.
"Seisenbi kúni saǵat 16:00 shamasynda tolassyz jaýǵan jańbyrdyń saldarynan Uzynbulaq aýylyna jaqyn respýblikalyq mańyzy bar Kókpek-Kegen-Túp jolynyń janyndaǵy taýdyń baýraiynda sý tasydy. Tasqyn sýdyń uzyndyǵy 100 metr, al biiktigi 8-10 santimetrge jetti", – delingen habarlamada.
Joldyń bul bóliginde sý ótkizgish qubyrlar eki jerden jumys istep tur.
"QAJServis" JShS Almaty oblystyq filialynyń mamandary jasaqtalyp, sýdy aǵyzyp, ýaqytsha jol belgilerin ornatyp jatyr. Ol úshin 5 birlik tehnika men jeke quramnan 8 adam jumyldy.
"Saǵat 19:30-ǵy jaǵdai boiynsha sý tasqyny toqtady. Jol qozǵalysyna shekteý qoiylǵan joq. Kezekshilik ornatyldy", – dep málimdedi kompaniianyń baspasóz qyzmeti.
