الماتى وبلىسى كەگەن اۋدانىندا بۇرشاق ارالاس جاڭبىر جاۋىپ, سالدارىنان تاۋدان سۋ تاسىپ, جولداردى شايىپ كەتتٸ. الماتى-كەگەن تاس جولى سۋ استىندا قالدى, دەپ حابارلايدى "ۇلت اقپارات" Stan.kz اقپارات اگەنتتٸگٸنە سٸلتەمە جاساپ.
وبلىستىق تٶتەنشە جاعداي دەپارتامەنتٸ تٷستەن كەيٸن باستالعان جاڭبىردىڭ ساعات 17:00-دە باسىلعانىن مەلٸمدەدٸ. تاسقىن سۋ اقساي اۋىلىنا جاقىن جولدى باسىپ قالعان.
اراعا ۋاقىت سالىپ "قازاۆتوجول" رەسپۋبليكالىق ماڭىزى بار جولدىڭ دا سۋ استىندا قالعانى تۋرالى مەلٸمەت بەردٸ.
"سەيسەنبٸ كٷنٸ ساعات 16:00 شاماسىندا تولاسسىز جاۋعان جاڭبىردىڭ سالدارىنان ۇزىنبۇلاق اۋىلىنا جاقىن رەسپۋبليكالىق ماڭىزى بار كٶكپەك-كەگەن-تٷپ جولىنىڭ جانىنداعى تاۋدىڭ باۋرايىندا سۋ تاسىدى. تاسقىن سۋدىڭ ۇزىندىعى 100 مەتر, ال بيٸكتٸگٸ 8-10 سانتيمەترگە جەتتٸ", – دەلٸنگەن حابارلامادا.
جولدىڭ بۇل بٶلٸگٸندە سۋ ٶتكٸزگٸش قۇبىرلار ەكٸ جەردەن جۇمىس ٸستەپ تۇر.
"قاجسەرۆيس" جشس الماتى وبلىستىق فيليالىنىڭ ماماندارى جاساقتالىپ, سۋدى اعىزىپ, ۋاقىتشا جول بەلگٸلەرٸن ورناتىپ جاتىر. ول ٷشٸن 5 بٸرلٸك تەحنيكا مەن جەكە قۇرامنان 8 ادام جۇمىلدى.
"ساعات 19:30-عى جاعداي بويىنشا سۋ تاسقىنى توقتادى. جول قوزعالىسىنا شەكتەۋ قويىلعان جوق. كەزەكشٸلٸك ورناتىلدى", – دەپ مەلٸمدەدٸ كومپانييانىڭ باسپاسٶز قىزمەتٸ.
