Foto: TJM
Qaraǵandy jáne Qostanai oblystarynyń ónerkásip kásiporyndary sý tasqynynan zardap shekkenderge kómek kórsetý úshin 500 mln. teńge bóldi, dep habarlaidy «Ult aqparat».
Qostanailyq Allur, sarandyq QazTehna jáne temirtaýlyq Qarmet kompaniialary «Demeý Qazaqstan Qory» korporativtik qoryna qarajat aýdardy.
«Tabiǵi apattar bizdi birlik, yntymaq pen qoldaýǵa úiretedi. Kóptegen otandastarymyz táýelsiz Qazaqstan tarihyndaǵy eń iri sý tasqynynyń bel ortasynda qaldy. Kúshti biriktirý arqyly biz bul kezeńdi mindetti túrde eńseremiz», - dedi «QazTehna» JShS bas direktory Arǵulan Maiqonov.
Allur zaýyty direktorynyń orynbasary Erlan Tóletaev: «Osyndai aýqymdy tabiǵi apattarǵa kelgende eshkim, tipti bizdiń kásiporyn da shette qalmaýy kerek. Kóktemgi sý tasqynynan zardap shekken árbir qazaqstandyqqa tiisti kómek kórsetilýi tiis» degen pikirimen bólisti.
