Úkimet otyrysynda QR Ekologiia, geologiia jáne tabiǵi resrýstar ministri Serikqali Brekeshev sý tapshylyǵyna jolyqqan fermerlerge qandai kómek qarastyrylǵanyn aitty, dep habarlaidy QazAqparat.
«Shardara sý qoimasyna barynsha eń joǵary aǵyndy qamtamasyz etý boiynsha sharalar qabyldanýda. Onyń basty maqsaty – Túrkistan oblysynyń Shardara, Otyrar jáne Arys aýdandaryndaǵy Qyzylqum alqabyn, sondai-aq Qyzylorda oblysynyń fermerlerin sýmen qamtamasyz etý.
Ózbek jáne tájik taraptarymen júrgizilgen jumystyń nátijesinde Shardara sý qoimasyna quiatyn aǵyn sý kólemi ulǵaityldy. Naqty aitsaq, aqpan aiyndaǵy kórsetkish qańtarmen salystyrǵanda 22% paiyz artty. Sondai-aq, aqpan aiynda «Bahri Tochik» sý qoimasynan Qazaqstan jaqqa qosymsha 181 mln tekshe metr sý aǵyzyldy.
Kelesi aida Sý sharýashylyǵyn memleketaralyq úilestirý komissiiasynyń otyrysy ótedi. Onda Naryn-Syrdariia sý qoimalary kaskadynyń jumys rejimderi kelisiletin bolady. Sonymen qatar, árbir eldiń sý alý limitteri bekitiledi», - dedi Serikqali Brekeshev.
Onyń málimeti boinysha, «Qazsýshar» mekemesi men fermerlerdiń ózderi kanaldardy tazartý boiynsha aýqymdy jumys júrgizip jatqanyn aitty.
«Sý tapshylyǵy jaǵdaiynda fermerlerge kómek kórsetý úshin Úkimet rezervinen kanaldardy tazalaýǵa, qosymsha sorǵylar satyp alýǵa jáne uńǵymalar burǵylaý jumystaryna tiisti qarajat bólinedi», - dedi ministr.
