Sý resýrstary komitetiniń burynǵy tóraǵasy Islam Ábishev jáne «Qazaq kúresi» dúniejúzilik federatsiiasy» halyqaralyq qoǵamdyq birlestiginiń burynǵy vitse-prezidenti Serik Túkiev sybailas jemqorlyq qylmysyn jasaǵany úshin sottaldy, dep habarlaidy "Ult aqparat" Sybailas jemqorlyqqa qarsy qyzmetke silteme jasap.
Sybailas jemqorlyqqa qarsy qyzmet Sý resýrstary komitetiniń burynǵy tóraǵasy Islam Ábishevke jáne «Qazaq kúresi» dúniejúzilik federatsiiasynyń burynǵy vitse-prezidenti Serik Túkievke qatysty sybailas jemqorlyq qylmys jasady degen kúdikpen sotqa deiingi tergeý júrgizdi.
«Ábishev pen Túkiev «Kazbailyq Astana» JShS ókili Shaimerdenovten «Sokolov toptyq sý qubyryn qaita qurý jáne aýyldyq eldi mekenderdiń taratý jelilerin qosý, ekinshi kezek» memlekettik satyp alýy boiynsha shart jasasqany úshin óziniń senimdi adamdary arqyly 60 mln teńge somasynda para aldy degen kúdikke ilindi» delingen habarlamada.
18 aqpanda Nur-Sultan qalasynyń qylmystyq ister jónindegi mamandandyrylǵan aýdanaralyq sotynyń úkimimen Ábishev pen Túkievke tiisinshe 5 jáne 4 jyl bas bostandyǵynan aiyrý jazasy taǵaiyndaldy.
Atalǵan tulǵalar memlekettik qyzmette qyzmet atqarý quqyǵynan ómir boiyna aiyryldy.
