Jambyl oblysy Shý aýdanynda káriz júiesin jóndeý kezinde eki jumysshy qaza tapty. Qaiǵyly oqiǵa Shý qalasy aýrýhanasynyń aýlasynda bolǵan, dep habarlaidy ult.kz.
Aldyn ala málimet boiynsha, santehnik jóndeý jumystaryn júrgizý barysynda tereńdigi shamamen úsh metr káriz qudyǵyna túsip, ýly gazdan ýlanyp qalǵan. Ol kómekke shaqyrǵan kezde janynan ótip bara jatqan zerthana qyzmetkeri ony qutqarý úshin qudyqqa túsken. Alaida ol da gazdan ýlanyp, esinen tanyp qalǵan.
Olardy alyp shyǵýǵa áreket jasaǵan úshinshi adam da qaýipti aimaqqa túsip, qiyn jaǵdaiǵa tap bolǵan. Oqiǵa saldarynan eki jumysshy qaza taýyp, qudyqqa úshinshi bolyp túsken santehnik aman qalǵan. Qazir ol dárigerlerdiń baqylaýynda.
Jambyl oblysy politsiia departamentiniń málimetinshe, atalǵan derek boiynsha qylmystyq is qozǵaldy.
Jambyl oblysy PD resmi ókiliniń málimetinshe, QR Qylmystyq kodeksiniń 156-baby 4-bóligi boiynsha, abaisyzda eki nemese odan da kóp adamnyń ólimine ákep soqqan eńbekti qorǵaý qaǵidalaryn buzý deregi boiynsha sotqa deiingi tergep-tekserý júrgizilýde. Tergeý nátijesinde zańǵa sáikes protsessýaldyq sheshim qabyldanady.
