جامبىل وبلىسى شۋ اۋدانىندا كەرٸز جٷيەسٸن جٶندەۋ كەزٸندە ەكٸ جۇمىسشى قازا تاپتى. قايعىلى وقيعا شۋ قالاسى اۋرۋحاناسىنىڭ اۋلاسىندا بولعان, دەپ حابارلايدى ult.kz.
الدىن الا مەلٸمەت بويىنشا, سانتەحنيك جٶندەۋ جۇمىستارىن جٷرگٸزۋ بارىسىندا تەرەڭدٸگٸ شامامەن ٷش مەتر كەرٸز قۇدىعىنا تٷسٸپ, ۋلى گازدان ۋلانىپ قالعان. ول كٶمەككە شاقىرعان كەزدە جانىنان ٶتٸپ بارا جاتقان زەرتحانا قىزمەتكەرٸ ونى قۇتقارۋ ٷشٸن قۇدىققا تٷسكەن. الايدا ول دا گازدان ۋلانىپ, ەسٸنەن تانىپ قالعان.
ولاردى الىپ شىعۋعا ەرەكەت جاساعان ٷشٸنشٸ ادام دا قاۋٸپتٸ ايماققا تٷسٸپ, قيىن جاعدايعا تاپ بولعان. وقيعا سالدارىنان ەكٸ جۇمىسشى قازا تاۋىپ, قۇدىققا ٷشٸنشٸ بولىپ تٷسكەن سانتەحنيك امان قالعان. قازٸر ول دەرٸگەرلەردٸڭ باقىلاۋىندا.
جامبىل وبلىسى پوليتسييا دەپارتامەنتٸنٸڭ مەلٸمەتٸنشە, اتالعان دەرەك بويىنشا قىلمىستىق ٸس قوزعالدى.
جامبىل وبلىسى پد رەسمي ٶكٸلٸنٸڭ مەلٸمەتٸنشە, قر قىلمىستىق كودەكسٸنٸڭ 156-بابى 4-بٶلٸگٸ بويىنشا, ابايسىزدا ەكٸ نەمەسە ودان دا كٶپ ادامنىڭ ٶلٸمٸنە ەكەپ سوققان ەڭبەكتٸ قورعاۋ قاعيدالارىن بۇزۋ دەرەگٸ بويىنشا سوتقا دەيٸنگٸ تەرگەپ-تەكسەرۋ جٷرگٸزٸلۋدە. تەرگەۋ نەتيجەسٸندە زاڭعا سەيكەس پروتسەسسۋالدىق شەشٸم قابىلدانادى.
