Foto: gurk.kz
Almaty jylý jelileri jylý energiiasy úshin milliardtaǵan qaryzdy tólemegen turǵyndardan aqshany sot arqyly óndirýge kiristi, dep habarlaidy "Almaty jylý júiesi" JShS.
Múldem qaryz tólmegenderdiń múlik jáne banktik shottary buǵattalyp, shetelge shyǵýǵa tyiym salynady. Sonymen qatar qaryzdy tolyq ótemeiinshe olarǵa ystyq sý berý toqtatylady.
Qaryz týraly birneshe ret eskertý alǵanyna qaramastan, tutynýshylardyń bir bóligi kommýnaldyq qyzmetti jetkizýshiniń zańdy talaptaryn eler emes. Jyl basynan beri Almatyda jylý energiiasy úshin tólem jasamaǵan 600-den astam abonentke ystyq sý berý shektelgen. Sonymen qatar zańdy tulǵalarǵa sotqa deiingi 3345 talap jiberildi.
Jylýmen jáne ystyq sýmen jabdyqtaý úshin qaryzy bar 5184 turǵynnan qaryzdy óndirip alý boiynsha jumys júrgizildi. Ol úshin sotqa talap-aryz berildi, sondai-aq notariýstarǵa atqarýshylyq jazbalar jasaý úshin aryzdar jiberildi. Búginde sot oryndaýshylary qaryzdy óndirip alý boiynsha is-sharalardy jalǵastyrýda.
Kommýnaldyq qyzmetke tólem jasamaǵan 1754 boryshkerge qatysty shekteý sharalary qabyldandy:
926 boryshkerdiń múlkine tyiym salyndy (jyljityn jáne jyljymaityn);
822 banktik shot buǵattaldy;
254 boryshkerge qatysty Qazaqstan Respýblikasynan tys jerlerge shyǵýǵa tyiym salyndy;
144 azamattyń jalaqysy men ózge de tabysynan bereshek ustaldy.
Búginde Almaty jylý tutynýshylarynyń paidalanǵan ystyq sý men jylý úshin jiyntyq qaryzy shamamen 2 mlrd teńge.
"Almaty jylý júiesi" JShS qala turǵyndaryn jaýapkershilik tanytýǵa, qaryzdy jinamai, jylýmen jabdyqtaý qyzmetin ýaqytyly tóleýge shaqyrady.
