Almatyda Ortalyq meshittiń uiytqy bolýymen, qala meshitteri jáne "Ihlas" qaiyrymdylyq qorynyń atsalysýymen Shyǵys Qazaqstan oblysy, Aiagóz aýdanyndaǵy sý tasqynynan zardap shekken turǵyndarǵa materialdyq kómek kórsetildi, - dep habarlaidy "Ult aqparat" QMDB baspasóz qyzmetine silteme jasap.
19 naýryzda óńirge 15 tonna qaiyrymdylyq júgi artylǵan avtokerýen jol tartty. "Qaiyrymdylyq kerýeni" atty aktsiiasyna Almaty qalasynyń turǵyndary men din qyzmetkerleri qatysyp, úles qosty. Aktsiia aiasynda turmystyq zattar, kiim-keshekter, kórpe-jastyq jáne qarjylai kómek jinaldy.
Almaty qalasynda uiymdastyrylyp otyrǵan qaiyrymdylyq sharasy Qazaqstan musylmandary dini basqarmasynyń tóraǵasy, Bas múfti Serikbai qajy Orazdyń bastamasymen atqarylyp jatyr. Sý tasqynynan zardap shekken baýyrlarymyzdyń basyna túsken aýyrtpashylyq - barsha halqymyzǵa ortaq másele. Qinalǵan baýyrlarymyzǵa qol ushyn sozyp, kómek kórsetý barshamyzǵa mindet. Qazir Aiagóz aýdanyna 4,5 millionnan astam qarjylai járdem, 15 tonna azyq-túlik, jańa kiimder, qurylys zattary, kórpe-tósek, balalarǵa arnalǵan táttiler jiberilip otyr", - dedi bas imam Erkinbek Shoqai.
Qaiyrymdylyq sharalary Dini basqarma bekitken jumys baǵyttardyń biri. "Qaiyrymdylyq kerýeni" aktsiiasy - qoǵamda meiirimdilikti, ózara riiasyz kómek jasaýdy nasihattaýǵa, solardyń ishinde balalardyń, múmkindigi shekteýli adamdardyń ómiri men densaýlyǵyna qamqorlyqty kúsheitýge baǵyttalǵan igi joba.
