QR Aýylsharýashylyǵy vitse-ministri Arman Evniev Qaskeleńge issapary barysynda sabannan jasalǵan tiindi joǵary baǵalady, dep habarlaidy QazAqparat tilshisi.
Vitse-ministr Qaskeleńge mashina quraý salasynyń jetistigi - kombainersiz júretin kombaindy testileýge kelgen bolatyn.
«Tiin maǵan unady. Biraq, Atakenttegi tiindi áli kórgen joqpyn. Stýdentterdiń taza tabiǵi ónimnen óner týyndysyn jasaǵany árine qýantady. Bul agrarlyq fakýltet stýdentteriniń izdenisi men zertteý jumystaryndaǵy tájiribesin kórsetedi. Bul ideiany sheteldik sýretshiler ákeldi. Al jastar trend retinde qabyldap aldy. Bul jerde qansha aqsha ketkeni mańyzdy emes, eń bastysy - ideia», - dedi Arman Evniev.
Aita ketý kerek, sabannan jasalǵan alyp tiin Almaty emes búkil Respýblika jurtshylyǵy talqylaǵan trend taqyrypqa ainaldy.
Jeli qoldanýshylary tiindi jasaýǵa ketken qarjyny bosqa aqsha shashý dep sanaidy.
Osyǵan orai Agrarlyq ýniversitet stýdentteri keshe Qaskeleńde saban shópten týra sondai alyp tiin ornatty. 20 shaqty stýdent installiatsiiany 1 kúnde jasap shyqqan.
Munyń aldynda birqatar BAQ-ta Qaskeleńdegi tiindi jasaýǵa 230 000 teńge jumsalǵany habarlanǵan edi. Bul aqparatty Agrarlyq ýniversitet stýdentteri joqqa shyǵardy.
Tiindi jasaýǵa stýdentter múldem qarjy jumsamaǵan.
«Tiindi jasaýǵa 230 000 teńge jumsaldy degen jalǵan sóz. Óitkeni, biz eshteńe satyp almadyq. Biz shópti ózimiz shaptyq. Konstýrktsiia materialyn da stýdentterge tegin berdik. Tiin eń basty másele emes, biz búgin tuńǵysh ret júrgizýshisiz júretin kombaindy testiden ótkizip jatyrmyz. Arnaiy jazylǵan baǵdarlama egin orý mashinasyn ózi basqaratyn bolady», - dedi «Qaskeleń agroparki» kommertsiialandyrý boiynsha mamany Rinat Fazylbekov.
