Elde bolǵan jappai tártipsizdikterge stýdentter qatysty ma? Bul suraqqa QR Bilim jáne ǵylym ministrligi joǵary jáne joǵary oqý ornynan keiingi bilim departamentiniń direktory Ádilet Toibaev jaýap berdi, dep habarlaidy QazAqparat.
«Bizde stýdentterdiń jappai tártipsizdikterge qatysqany týraly resmi derek joq. Kanikýl kezi bolǵandyqtan stýdentter jataqhanada bolǵan joq, úilerine qaityp ketken. Sondyqtan olardyń qatysqany nemese qatyspaǵany týraly bizde aqparat joq. Jataqhanalarda 5 myńǵa jýyq stýdent turyp jatty, olar - negizinen shetel stýdentteri», - dedi Ádilet Toibaev ortalyq kommýnikatsiialar qyzmetinde onlain ótken baspasóz máslihatynda.
