Bolgariia astanasy Sofiiada bokstan Strandja kýbogynda qazaqstandyq sportshylar tórt altyn medalǵa qol jetkizdi, dep habarlaidy QazAqparat.
Qazaqstandyq boksshy Saǵyndyq Toǵambai (86 keli) salmaqta finalda ýkraindyq Sergei Gorskovpen sheberlik baiqasty. Jekpe-jek barysynda Saǵyndyqtyń ózine senimdiligi aiqyn ańǵaryldy. Qarsylasyna jii soqqy jasap, upai qoryn molaitty. Nátijesinde tóreshiler biraýyzdan onyń jeńiske jetkenine senim kórsetti.
Aita ketsek, Saǵyndyq Toǵambai el quramasy qorjynyna tórtinshi altyn medal saldy.
Eske salsaq, budan buryn el quramasynan Nazym Qyzaibai (50 keli) men Mahmýd Sabyrhan (54 keli) chempion atandy.
Sondai-aq, qazaqstandyq boksshy Valentina Halzova 70 keli salmaqta chempion atandy.
Halyqaralyq týrnirde el quramasynan Damir Ábdiqadyr (51 keli), Dýlat Bekbaýov (67 keli), Dina Jolaman (54 keli) jáne Lázzat Kúngeibaeva (81 keliden joǵary) kúmis júldeger atandy.
Al qola júlde Sanjar Táshkenbai (48 keli), Timýr Qabdeshov (51 keli), Abzal Serik (63,5 keli), Abzal Quttybekov (92 keli), Nurlan Saparbai (92 keliden joǵary), Rimma Volosenko (60 keli), Dariǵa Shákimova (66 keli, Nadejda Riabets (75 keli) jáne Anastasiia Baiazitova (81 keli) syndy qazaqstandyq sportshylarǵa buiyrdy.
