Bolgariia astanasy Sofiia qalasynda bokstan dástúrli «Strandj kýbogy» ótip jatyr, dep habarlaidy QazAqparat.
«Kishi álem chempionaty» atalyp ketken halyqaralyq týrnirde qazaqstandyq bylǵary qolǵap sheberleri de synǵa túsýde.
Atalǵan týrnir 19 aqpanda bastalǵan bolatyn. Búgin alǵashqy irikteý jekpe-jekteri aiaqtalyp, shirek finalǵa shyqqan boksshylar belgili boldy.
Nátijesinde Qazaqstan erler quramasynan shirek finalǵa 10 boksshy shyqty.
Atap aitsaq, Sanjar Táshkenbai, Daniial Sábit (ekeýi de 48 keli), Damir Ábdiqadyr, Timýr Qabdeshov (ekeýi de 51 keli), Mahmud Sabyrhan (54), Abzal Serik (63,5), Dýlat Bekbaýov (67), Saǵyndyq Toǵambai (86), Abzal Quttybekov (92) jáne Nurlan Saparbai (92 keliden asa) shirek finalǵa shyqty.
Bul halyqaralyq jarysqa 36 elden 450 boksshy qatysyp jatyr. Olardyń qatarynda Olimpiada, álem jáne Eýropa chempiondary da bar.
Týrnir 28 aqpanda máresine jetedi.
