Áleýmettik jelini paidalanýshylar ujymdyq immýnitet vaktsinatsiiamen bailanysty emes degen aqparatty taratýda. Avtorlar doktor Artýr Hedrichtiń 1932 jylǵy zertteýine súienedi. Alaida zertteý qorytyndylary burmalanǵan, dep habarlaidy "Ult aqparat" stopfake.kz saityna silteme jasap.
Telegram-arnadaǵy silteme «Medalternativa.info» saityna jáne «Ujymdyq immýnitet teoriiasynyń vaktsinatsiiaǵa eshqandai qatysy joq» degen aqparatqa aparady.
Avtordyń pikirinshe, doktor Artýr Hedrichtiń AQSh-tyń jekelegen aimaqtarynda qyzylsha aýrýy týraly zertteýiniń qorytyndysy bul taqyrypqa dálel bolyp tabylady.
«Juqpaly aýrýǵa shaldyqqan jáne oǵan tabiǵi immýniteti qalyptasqan ujym (qaýymdastyq) músheleri neǵurlym kóp bolsa, aýrýdyń búkil ujymǵa (qaýymdastyqqa) tigizetin qaýpi soǵurlym az bolady».
Avtor keiinnen bul tujyrym bylai burmalanǵan dep sanaidy: «Top músheleri juqpaly aýrýǵa qarsy qanshalyqty kóp vaktsinatsiialansa jáne oǵan qarsy immýnitet paida bolsa, aýrýdyń búkil ujymǵa (qaýymdastyqqa) tigizetin qaýpi soǵurlym az bolady».
«Aila-sharǵyny baiqadyńyz ba? Aiaq astynan juqpaly aýrýmen bailanystyń mańyzdylyǵy joiylyp, vaktsinatsiiamen almastyryldy, tabiǵi immýnitettiń mańyzdylyǵy tómendedi», – delingen áleýmettik jelilerde taratylǵan habarlamada.
Shyn máninde, Hedrichtiń 1930-1932 jyldary jariialanǵan baqylaýlary men tujyrymdary ǵalymdardy qyzylshany jeńý úshin virýsqa qarsy immýniteti bar popýliatsiiany kóbeitý kerek degen oiǵa itermeledi. Keiinnen qyzylshaǵa qarsy baǵdarlama ázirlendi, oǵan nárestelerdi josparly immýndaý jáne mektepke qabyldanǵan kezde balalardy immýndaý kirdi. Árine, Hedrichtiń esepterindegi tujyrymdar ózgergen joq. Bul manipýliatsiia.
«DDSU aýrýdy halyq arasynda taratý arqyly emes, vaktsinatsiia arqyly «ujymdyq immýnitetke» qol jetkizýdi qoldaidy, óitkeni bul aýrý juqtyrý jaǵdailaryna jáne ólimge ákelýi múmkin», – delingen DDSU saitynda.
