Oqiǵaǵa qatysty beinejazba áleýmettik jelide tarady. Kameradaǵy jazbada eki balanyń tóbeleskenin jáne janjalǵa bireýiniń ákesi aralasqanyn kórýge bolady. Er adam balany jaǵasynan ustap, ony súirep áketip, keiin tizesimen jáne qolymen urǵan. Odan soń balany qarǵa laqtyryp, ketip qalady, dep habarlaidy Ult.kz.
Aqmola oblystyq politsiia departamentiniń málimetinshe, oqiǵaǵa qatysýshylardyń barlyǵy anyqtalǵan. Bul is boiynsha qylmystyq is qozǵaldy.
«Kámeletke tolmaǵandardy profilaktikalyq esepke qoiý sharalary qabyldanýda. Jasóspirimderdiń ata-analary balalaryn tárbieleýdegi mindetterin durys oryndamaǵany úshin jaýapkershilikke tartylady», — delingen resmi habarlamada.
