QR Densaýlyq saqtaý ministrligi Stepnogor qalasynda koronavirýs infektsiiasy tirkelgeni týraly aqparatqa pikir bildirdi, dep habarlaidy "Ult aqparat".
«Áleýmettik jelilerde taraǵan Aqmola oblysy Stepnogor qalasynda koronavirýs infektsiiasy tirkelgeni týraly aqparat shyndyqqa janaspaidy», - dep jaýap berdi QR Densaýlyq saqtaý ministrliginiń resmi ókili Dias Ahmetshárip.
Eske sala ketsek, 2020 jyldyń 11 naýryzyndaǵy jaǵdai boiynsha Qazaqstanda koronavirýstyń jańa infektsiiasyna bailanysty 3974 adam baqylaýda tur. Búgingi tańda Qazaqstan Respýblikasy aýmaǵynda jańa virýs tirkelgen joq.
Resmi aqparatty Densaýlyq saqtaý ministrliginiń Facebook paraqshasynan oqi alasyzdar jáne týyndaǵan suraqtar boiynsha 1406 nómiri boiynsha táýlik boiy jumys isteitin Call-ortalyǵyna qońyraý shalýǵa bolady.
