© AFP 2022 / SANJAY KANOJIA
Stepnogor qalasy mańyndaǵy zirattan kúiip ketken er adamnyń máiiti tabyldy, dep habarlaidy Sputnik Qazaqstan.
Máiit 1959 jyly týǵan jergilikti turǵynǵa tiesili.
Málim bolǵandai, marqum otbasylyq janjaldan keiin ózine qol saldy. Ol 13 qazanda óziniń kóligimen ata-anasy jerlengen Aqsý kentine qarai ketip bara jatyp, ulyna qońyraý shalǵan. Sol kezde ómir súrgisi kelmeitinin aitqan.
Er adam zirat janynda ústine janǵysh suiyqtyqty quiyp, ózin órtep jiberdi.
Ákesiniń qońyraýynan keiin uly týysyna habarlasyp, ony tabýǵa ótinish bildirgen. Kúiik shalǵan máiitti 35 jastaǵy týysy tapty.
Politsiia basqarmasy bul fakt boiynsha "sýitsidke deiin jetkizý" baby boiynsha qylmystyq is qozǵady. Tiisti saraptama taǵaiyndaldy.
